मी कलाकार...

तुम्हाला फक्त तो एक कागद दिसतो,
माझ्या शब्दान्चा मी बाजार मांडत आहे,
त्यात मी माझे अश्रु विकतोय,
तुम्ही त्यालाही टाळ्या वाजवताय?

तुम्हाला फक्त ते एक रंगमंच भासते,
माझ्या कलेचे मी प्रदर्शन मांडतोय,
त्यात मी माझ दु:ख सजवतोय,
तुम्ही त्यालाही हसताय?

ती फक्त थोडीशी मातीच असते,
माझे हात मी त्यात झिजवत आहे,
त्यात मी माझी भूक लपवतोय,
तुम्ही त्यालाही घरात सजवताय?

ते एक रंगीत जगच वाटते,
त्या कुंचल्याचाच आकार मी घेतोय,
माझ्या भावनांची ती उधळण आहे,
तुम्ही त्याचीही प्रशंसा करताय?