किती मी जपावे....

किती मी जपावे या भावनेला
सांगण्यास हे, तो चंद्र रात्र जागलेला ॥

तू येता सूर्योदय, जाता सूर्यास्त
तूच घाल फूंकर, मी असा भाजलेला

किती मी जपावे या भावनेला...

हसणे वाहता झरा, रडणे श्रावणातली सर
हवेत सूर्यकिरण माझ्या इंद्रधनुला

किती मी जपावे या भावनेला...

रुसणे, क्षणात मजकडे सरसावणे
या कसल्या गं अजब लीला

किती मी जपावे या भावनेला...

एकटक पाहाणं, धीर देणं, डोळ्यात शोधणं
खरं सांग, आहे का मी इतुका भला
किती मी जपावे या भावनेला सांगण्यास हे, तो चंद्र रात्र जागलेला ॥