एकांत

मज धर्म नसे अवगत,मला देव नसे माहीत
कुणी व्यापतो, एकांत माझा देवच असेल तो कदाचित

एकांतात खरा कुणी कधी एकटा नसतो
कुठे कुठे मी विखुरलेला माझ्यात एक होतो

असे का व्हावे, न व्हावेका कुणी असे वागावे?
वाकूल्या दाखवत प्रश्नासूरअसा खुशाल नाचतो

मग मनाचे ऐकतो,कधी त्याला विनवितो
कधी डोके लढविता छापा-काटा वापरतो
प्रश्न होतात ते छोटे जग वाटते लहान
देवा-धर्माच्या कल्पना मी समाजावर सोपवतो

हा असला चमत्कार अहो नित्याचाच आहे
हल्ली देवळात म्हणे देव एकांत वाटतो
देव असे देव्हार‍यात देव असे गाभार‍यात
वेळ काढून थोडा असा मला भेटे एकांतात